相信尽人皆知中国古代有四大美女西施、王昭君、貂蝉、杨玉环。

但係到咗现代，都有四大新晋美（网）女（红）。

佢地都有“沉（骑）鱼（哩）落（古）雁（怪）之容，闭（辣）月（眼）羞（睛）花（！）之貌”！

外星人陈山

蕞近喺某个直播app有条友红咗起身！唔係因为佢特别靓，都唔係因为佢丑，而係佢真係特别丑！所以就咁走红。

除咗好似外星人之外，小编真係好难搵到形容词形容佢。（大家都可以发挥想象小宇宙帮手谂下形容词）

据说，陈山貌似係一个富二代，老窦係陈余海，万科嘅董事长，患有中型地中海贫血，所以会见到佢嘅微博成日发扎“波子”啲相，令人可恨嘅係佢仲有一个样靓身材正嘅女朋友。

真係可惜咗个女仔，而且网上仲流传咗一段佢地XX嘅视频，至于资源大家自己搵啦，画面都係自己脑补啦。

不过戴晒口罩咁，个样都算正常，只不过帅不过3秒，一除就吓死人。

所以都有好多网友觉得，佢咁鬼丑样都仲有女朋友，依家嘅世界果然係要钱唔要面嘅世界。（小编默默咁点头赞成）

所以有好多“热心”网友，对于佢嘅身份又有另一种讲法。

话根本唔係咩富二代，晒钱晒女朋友係为咗炒作某个拍摄短视频嘅app而做嘅效果。

桃花宝宝

未变成“鱼精女”之前，小编觉得佢只係一个普普通通嘅网红，冇咩特别，睇相仲觉得佢ok！但係一切都只存在于幻想...

之后佢又再去整容，下巴尖到可以吉死人嗰种，眼角越开越大，仲非常自信！

不过近日，佢又再次上榜！唔係因为佢嘅超尖锥子下巴，唔係因为佢咩都讲嘅超级个性，而係因为佢又去整容，今次仲整成条鱼咁，真係不忍直视。

饱满过度嘅额头，特晒出嚟，个鼻更加係变晒形，整到极度唔自然！个样亦都被网友搵出好似世界蕞丑动物——水滴鱼。

（真係似到十足啊）

但係佢本人已经对整容上晒瘾，点劝都劝唔翻噶啦！而佢对于网友嘅批评更加係不屑一顾，“如果觉得喷我可以提高你地嘅素质，咁继续啦，但係我唔会陪你地咯。”

西红士

小编成日都会打错名打成“西红柿”，佢係依家深圳好红嘅妖男网红，但係对佢嘅印象都係佢同佢嘅“女朋友”比较深刻...

佢应该就冇整容，但係靠化“浓妆”吸引大家嘅眼球，仲成日着性感丁字裤、有情趣偏向嘅奇装异服，仲好钟意着恨天高，摆各种各样“姣爆”嘅姿势。（小编真係自愧不如特别係高踭鞋）

依家时不时佢都靠踩低明星或者其他网红，嚟衬托自己，仲成日赞自己好靓，小编真係接受唔度咯。

初时仲成日係地铁表演钢管舞比大家睇，仲係电梯里面、大街上，想露就露，想跳就跳，真係好任性，小编希望各位家长同小朋友出街之前，记得戴眼镜，费事辣眼睛。

其实佢係一个职业钢管舞dancer，难怪条腰可以扭得咁劲啦，一字马so easy，再认真啲望下啲相，佢係有人鱼线噶！

小编真係受到10w点嘅伤害！人鱼线发梦都想要，连网红都有，有咩理由唔去努力做运动减肥咧。

刘梓晨

蕞后讲嘅应该算係“蛇精脸”始祖，自称宝宝嘅刘梓晨。

蕞近佢主演嘅网路电影《梦想公寓》准备播出啦，佢係微博好开心咁宣布出道，问题係大家敢唔敢睇咧？

至于佢嘅演技真係有待观察咯，不过顺便一提，睇佢部剧仲要会员，真係忍唔住反佢360度白眼。

但係佢啲风格真係好多变，时男时女咁，扮女仔拍写真，又真係几lady下，至于男仔，真係不敢苟同，边有人会咁瘦噶，一啲肉都冇，p得太过火！

啱开始比人闹嘅时候，成日都话自己冇整容纯天然，冇人会信咯，之后咪又係认咗，割咗双眼皮开眼角垫假体丰眉骨注射卧蚕丰太阳穴注射苹果肌整韩式半永玖眉毛，几乎可以整嘅应该都整晒了吧。

但係整咗咪整咗咯，仲要唔认老，成日话自己10几岁，好后生，真係冇嘢讲，其实佢冇整之前，睇身份证个样都几正直嘅，好过依家咁热潮冷讽...

其实身体发肤受之于父母，好人好姐咁，做咩要去整容咧。

依家嘅网络世界大多被大眼睛高鼻梁大胸细腰破尿酸，或者一啲哗众取宠嘅人占据网络世界，但係正因为有佢地“脱颖而出”所以先会有咁多人想效仿，但係小编觉得靠依啲出位，始终唔会长久，热度都只係一时。

所以奉劝大家唔好丢三观，唔好随波逐流啊！